Serbia me notë proteste ndaj Bosnjës për djegien e flamujve

Ministria e Punëve të Jashtme të Serbisë ka dërguar edhe një notë proteste sot, pas asaj të djeshmes ndaj Kroacisë. Sot, nota e protestës ka shkuar në derën e ambasadorit të Bosnjës dhe Hercegovinës në Beograd.

Lazar Mirkiqit, sipas medieve serbe, i ka shkuar nota e protestës për arsye të një video, në të cilën shihen dy persona të panjohur që djegin dy flamuj të Serbisë, teksa shtiejnë me armë dhe dëgjojnë këngë kombëtare dhe me përmbajtje fetare.

Serbia ka kërkuar nga boshnjakët që të kryejnë një hetim urgjent për identifikimin e autorëve dhe dënimin e tyre në përputhje me ligjin.