Shkëndija drejt realizimit të ëndrrës (Foto)

Klubi futbollistik Shkëndija ka shkruar historinë, duke siguruar kalimin në fazën e ‘Play-Off’ të Ligës së Evropës.

Në fakt, tetovarët kanë pësuar humbje në takimin e dytë kundër Mlada Boleslavit me rezultat minimal prej 1:0.

ti

Por, ky rezultat nuk ishte i mjaftueshëm për skuadrën çeke, e cila ka pësuar humbje në ndeshjen e parë me rezultat 2:0, transmeton Telegrafi.

Megjithëse në pjesën e parë te dyja skuadrat e kërkuan rrugën e golit, pjesa e parë përfundoi pa gola në saje të mbrojtjeve të çelikta të ekipeve respektive.

sksksk

Lukas Magera realizoi me kokë golin e vetëm për Mladan në minutën e 82-të takimit pas një harkimi të Ondrej Kudelas.

Në vazhdim të takimit, çekët nuk arritën të realizojnë ndonjë gol dhe kështu, Shkëndija arriti të kaloi në fazën e ‘Play Off’ të Ligës së Evropës.

Kujtojmë se shorti për fazën e ardhshme të kësaj lige do të hidhet të premten në Nyon të Zvicrës.