Dyshohet për mjet shpërthyes në shtëpinë e Murat Mehës, fillon demolimi

Një shtëpi në lagjen “Dardania” është rrethuar nga Policia e Kosovës, pasi po dyshohet për një mjet shpërthyes.

Flora Ahmeti, zëdhënëse e Policisë së Kosovës për rajonin e Prishtinës konfirmoi për Telegrafin se tashmë Policia është në vendngjarje dhe po merret me rastin, por nuk tregoi se për shtëpinë e kujt bëhet fjalë.

Burime të Indeksonline kanë bërë të ditur se mjeti shpërthyes në lagjen Dardania që dyshohet të jetë pikërisht në shtëpinë e Murat Mehës, nuk ka shpërthyer pasi policia ka filluar demolimin e mjetit, ndërsa të gjitha lokalet e përreth vendit të ngjarjes janë mbyllur.