Shkup, sot dihen rezultatet e ujit në zonat e përmbytura

Instituti i Shëndetit Publik në Maqedoni ka bërë analizat e ujit të pijes dhe është në pritje të rezultateve për cilësinë e ujit të pijshëm, të cilat pritet t’i publikojë sot gjatë ditës.

Në këtë institut u kanë bërë thirrje banorëve nga zonat e përmbytura që të mos konsumojnë ujë nga çezmat dhe të njëjtin mos ta përdorin as për gatim.

Përmes këtij apeli, mjekët tentojnë të parandalojnë infeksionet eventuale apo paraqitjen e ndonjë epidemie si pasojë e vërshimeve.