Kundërmimi që po ua zë frymën banorëve të Matit (Video)

Banorët e Lagjes Mati 1 në Prishtinë janë në hall me një përrua që e përshkon vendbanimin e tyre.

Për ta është bërë pothuajse e padurueshme era kundërmuese që vjen prej tij. Kjo gjendje është shkaktuar sepse në përrua derdhen ujërat e zeza.

Banorët shprehen te zhgënjyer nga Komuna e Prishtinës nuk po intervenon në mbulimin e këtij përroi i cili fillon prej Matiqanit dhe vazhdon deri në lagjen Kalabria.

Ata thonë se kanë kërkuar nga Komuna e Prishtinës që të intervenoj sa më shpejtë, pasi që aty tashmë kanë filluar të shfaqen edhe insekte të ndryshme.