Vetëvendosje fajëson Kadri Veselin për ‘blindimin’ e gazetarëve

Lëvizja “Vetëvendosje” ka reaguar për moslejimin e gazetarëve për ta përcejllur mbledhjen e Kryesië së Kuvendit.  Sipas tyre, moslejimi i medieve që të përcjellin punën e Kuvendit, tregon qartë që Kryetari i Kuvendit po i kthehet zanatit të tij të vjetër kur punët e pista i kryente tinëzisht dhe larg vëmendjes së publikut.

“Lëvizja VETËVENDOSJE! dënon vendimin e Kryetarit të Kuvendit të Kosovës, për largimin e medieve dhe vështirësimin e punës së tyre. Pushteti tashmë po e di që demarkacioni është projekt kundërpopullor dhe dëmtues për Republikën tonë, prandaj nuk i do mediat dhe publikun afër”, thuhet në reagimin e LVV-së.