Bulliqi, Veselit: Hartave jugosllave u ka besuar Komisioni juaj!

Deputeti i LDK-së – që është një nga kritikët më të mëdhenj të mënyrës se si është bërë demarkacioni me Malin e Zi – Shpejtim Bulliqi, ka një pyetje për kreun e Kuvendit të Kosovës, Kadri Veseli, i cili është shprehur se nuk u beson hartave të ish-Jugosllavisë.

“Z. Veseli unë kam vetëm një pyetje publike për ju: ‘Cilat janë ato harta topografike 1:25000, kush i ka prodhuar dhe nga cili botues janë ato në të cilat komisioni i juaj e ka shënjuar kufirin e ri’. Ndërsa opinionit publik i bëjmë më dije se është shënjuar në po këto harta topografike të prodhuara nga Institutit Gjeografik Ushtarak të ish-Jugosllavisë. Andaj kjo që thoni është pa ndonjë mbështetje, sepse këtyre ju ka besuar edhe vetë komisioni i juaj!”, ka thënë Bulliqi.