Demarkacioni, arsyeja kryesore e vizitës së Biden (Video)

Njeriu i dytë i Shteteve të Bashkuara të Amerikës, Joe Biden, pritet qe te vizitoj Kosovën ditën e martë.

Këtu, ai pritet të takohet me presidentin, Hashim Thacin, dhe me kryeministrin, Isa Mustafa.

E derisa vizita ndodh në momentin kur demarkacioni i kufirit me Malin e Zi ka polarizuar skenën politike vendore, njohës të rrethanave në Kosovë, presin që kjo çështje do të jetë njëra nga temat kryesore në këto takime, ku nuk është përfshirë opozita.

Analisti, Artan Muhaxhiri beson se amerikanët nuk do të lejojnë që të dështoj një proces, pjesë e të cilit janë edhe vet ata.

Se zëvendësi i Barak Obama-s do të kërkoj që demarkacioni të kryhet, e thotë edhe njohësi i raporteve Kosovë – SHBA, Ilir Ibrahimi./klankosova/