Fushë-Kosova paguan udhëtime zyrtare për shkolla

Komunarët e Fushë-Kosovës nuk i kanë kursyer shumë paratë publike. Ata duket se janë treguar goxha dorëlirë.

Gjatë vitit të shkuar zyrtarët komunalë kanë paguar fiks 6.000 euro për pushimet pranverore të 10 institucioneve shkollore, shkruan sot “Koha Ditore”. Në raportin financiar këto mjete figurojnë në kategorinë e mëditjeve e akomodimeve të udhëtimeve zyrtare jashtë vendit.

Zyrtarët komunalë nuk janë përgjigjur nëse këto mjete kanë bazë ligjore. Ndërkohë që për opozitën ato më shumë janë shpenzime luksi.

Këshilltarja e LVV-së, Trëndelina Duli, thotë se në secilin raport financiar të Fushë-Kosovës figurojnë shpenzime të paarsyeshme.