Një familje në Kosovë shpenzon 7500 euro në vit

Konsumi për ekonomi familjare gjatë vitit 2015 në Kosovë ka qenë 7.503 euro. Sipas  Anketës se Buxhetit të Ekonomive Familjare 2015, nga kjo vërehet se ka pasur rënie të lehtë prej 1,4 përqind në krahasim me vitin 2014, shkruan Gazeta Fjala.

Ndërkohë, pjesa më e madhe e buxhetit të ekonomive familjare në vitin 2015 është shpenzuar në ushqim dhe banim, 43 përqind për ushqim dhe 30 përqind për banim, të konsumit të përgjithshëm.

“Pasojnë shpenzimet për transport, veshmbathje, alkohol dhe duhan nga 4 përqind. Në vitin 2015, krahasuar me dy vitet e mëparshme 2013-2014, ushqimi nga prodhimi vetanak në konsumin e përgjithshëm ka shënuar një rritje të vogël, dhe në 2015 është 7 përqind”.