Haxhiu qon ‘selam’: Fanella e Kosovës, privilegj dhe kontribut, si uniforma e UÇK-së

Nënkryetari i FFK-së, njëherit deputet i Kuvendit të Kosovës, Bekim Haxhiu, ka thënë se me mbajtë veshur sot fanellen e përfaqësueses së Kosovës, është privilegj dhe kontribut si me veshë uniformën e UÇK-së, përcjell PrishtinaPress.eu.

Ai këto komente i bëri në profilin e tij në facebook me disa foto të publikuara me futbollistin e Manchester City, Sinan Bytyqi, tanimë futbollist i përfaqësueses së Kosovës.

Haxhiu e ka quajtur Bytyqin njërin nga heronjtë më të ri të Kosovës./PrishtinaPress.eu

Më poshtë mund ta lexoni postimin e tij:

Me futbollistin Sinan Bytyqi yllin e Manchester Cityt dhe lojtarin e përfaqësueses të Kosovës.
Një nga heronjtë me të ri të Kosovës i cili ka vendosur ta përfaqësoj vendin e tij, që t’i bëjë nderë Kosovës.
Me mbajtë veshur sot fanellen e përfaqësueses së Kosovës, është privilegj dhe kontribut si me pas veshur uniformën e UÇK-së.
Lavdia ju takon heronjëve dhe atyre që me punë, kontribut dhe sakrificë lartësojnë vendin e të parëve të tyre, nderojnë Kosovën.