Ministria heziton t’ia marrë licencën gjinekologes Teuta Hadri

Gjinekologia Teuta Hadri ka shumë shanse të mbesë pa licencën e ushtrimit të profesionit. Shkak mund t’i bëhet paaftësia e saj në identifikimin e deformimeve në ekstremitetet e një foshnje.

“Koha ditore” nga burimet e saj është njoftuar se kjo gjinekologe e kishte përcjellë shtatzëninë e një gruaje nga fillimi, porse deri në lindje nuk e ka ditur që foshnja ka deformime të mëdha në duar dhe këmbë.

Gabimin e kësaj gjinekologeje, e cila ka qenë edhe deputete e PDK-së në disa mandate, e kanë konstatuar kolegët e saj të profesionit.