Detaje të reja, polici luajti dy orë në kazinon në Suharekë para se ta kryente vrasjen

Policia e Kosovës ka dhënë detaje të reja lidhur me vrasjen që ka ndodhur sot në një kazino në Suharekë.

Nexhmi Krasniqi nga policia e Prizrenit ka bërë të ditur se në lidhje me këtë rast është arrestuar një rreshter policor.

Ndërkaq që ka bërë të ditur se motivet e vrasjes ende nuk dihen, Krasniqi ka thënë se rreshteri i cili dyshohet se ka kryer vrasjen ka qenë në kazino që nga ora 03:00 e deri në orën 05:00.

“Motivet e vrasjes nuk dihen ndërkaq që ajo që dihet është se ai ka qenë vetë duke luajtur në kazino që nga ora 03:00 deri në orën 05:00”, ka thënë ai.

Inicialet e të dyshuarit janë SH.S.

Këto detaje janë dhënë nga Policia e Kosovës në një konferencë të jashtëzakonshme për media.