Tragjedi në skuadrën e Arbër Zenelit: Mjeku i Reims vret veten pasi u infektua me coronavirus

Klubi i Arbër Zenelit, Stade de Reims ka marrë një lajm të hidhur sot, pasi mjeku i skuadrës ka bërë vetëvrasje.

Mjeku ishte i infektuar me coronavirus, e që nga frika se simptomat do të ishin të rrezikshme, ai i ka dhënë fund jetës së tij.

Bernard Gonzalez është gjetur i vdekur në banesën e tij dhe të gjitha pistat çojnë te vetëvrasja, pasi prej disa ditësh ishte i izoluar bashkë me gruan e tij meqë ishte i infektuar nga pandemia botërore.

Presidenti i klubit, Jean-Pierre Caillot ka konfirmuar gjithçka për “Le Parisien”, duke rryer se si kishte ndodhur ngjarja.

“Ai ishte një njeri shumë i përkushtuar, një njeri i këndshëm. E di që ka lënë një letër ku shpjegon arsyet e vendimit të tij. Por nuk jam në dijeni të asaj që shkruan”, shpjegoi presidenti i klubit.

Skuadra franceze në anën tjetër i ka shprehur ngushëllime familjes rreth vdekjes shokuese të Gonzalez.