Kënga “Levitating” e Dua Lipës renditet në vendin e shtatë në “Billboard Hot 100”

Artistja shqiptare me famë ndërkombëtare, Dua Lipa, gjatë vitit të kaluar ka qenë një nga emrat më të suksesshëm në tregun ndërkombëtar.

Përkundër situatës së krijuar me COVID-19, ajo nuk është ndalur së punuari dhe pikërisht në mes të pandemisë solli albumin e re “Future Nostalgia”.

Ky i fundit arriti të shndërrohet në një nga albumet më të dëgjuara të vitit, këngët e të cilit numërojnë miliona klikime në platformat e njohura muzikore.

Dua Lipa (Foto: Instagram)

Së fundmi, Dua përmes rrjeteve sociale ka njoftuar se kënga “Levitating” në bashkëpunim me DaBaby renditet e shtata në “Billboard Hot 100”.

Në rend të parë renditet “Mood” e 24kGoldn dhe Iann Dior, më pas “Positions” e Ariana Grande, në vend të tretë “Blinding Light” e The Weeknd, në vend të katërt “Holy” e Justin Bieber dhe Chance The Rapper, në vend të pestë Chris Brown dhe Young Thug me “Go Crazy”, në vend të gjashtë “Anyone” e Justin Bieber, e në të shtatin ylli shqiptar.

“Levitating” me DaBaby për vetëm tre muaj ka grumbulluar mbi 84 milionë klikime në YouTube.

DaBaby në anën tjetër ditë më parë u arrestua në Los Angeles për posedim të një arme pa leje, por që më vonë u lirua me kusht.